لـجـرح ارحــم ..... !
[size=16]لي بقى لي مع الأيام ..وفٌيته
والضيق لو ينهمر تشربه ودياني[/size]
[size=16]ماهي كبيره علي والحزن غنيته
ولاهي غريبه اذا وقتي تحداني[/size]
[size=16]الخوف يامن نبشت القلب وادميته
لا عشت زهرة شبابك وانت وحداني[/size]
[size=16]كم جرح خذته من الاحباب..ضميته
وجروح قلبي زكاه لحب خلاني[/size]
[size=16]مطعون؟عادي ,جفا الاقراب؟ داويته
تعبان؟ مبطي ,ردي هالحظ؟ خاواني[/size]
[size=16]صدمه؟ بسيطه ,هوان الحال؟ مريته
مقرود؟ أدري , واذا حرمان؟ عداني[/size]
[size=16]مافاح هم لك الله ما تقهويته
و مامر حزن بغيري ما تبلاني[/size]
[size=16]ياما وياما من الخذلان ..عديته
إلا بصاحب ..بعد عشره تناساني[/size]
[size=16]ازريت لنسى غيابه لين ناديته
والموت لامن تجاهلني وجافاني[/size]
[size=16]وينه يجيني ..وكل عتاب كنيته
ياليت يدري بعد فرقاه وش جاني[/size]
[size=16]من كنت طفل وانا أرجاه في بيته
شيبت..واثره على هالحال خلاني[/size]
[size=16]حتى جناح العتب لرضاه ذليته
ماطرت بعده فرح من ذل جنحاني[/size]
[size=16]ياقلب صبرك..ترى كل شي سويته
ماكان افضل من اللي كان بإمكاني[/size]
[size=16]لو بي قوه على الهجران؟خليته
لوبي ذره من النكران؟يفداني[/size]
[size=16]الجرح أرحم..اذا يرجع من أغليته
مجروح؟ فدوه..ولكن صعب وحداني
gigi
[/size]