كلام عتاب

انا زعلانة ومتضايقه منك ... لكن أول ما بشوفك بنسى كل كلام العتاب
بعض الاوقات ممكن نزعل من شخص أياً كان مين الشخص ده بقا ..... ممكن يكون صديقك الانتيخ ( الأنتيم ) .......... أو اللى قاعد ومربع فى الحتة اللى فى الشمال من غير إيجار ....... وتفضل قاعد مع نفسك والشيطان يلعب فى دماغك .. أنا أتصل بيه واقوله أنت اللى غلطان أنت اللى قتلت بابايا آآآآه يا بابيا ..... ترجع تقول لالالالالالا كرامتى ما تسمحليش انا استنى لما هو اللى يتصل وارصهم له فى جنابه واقفل السكه فى وشه ...... بعد كل ده تلاقى نفسك ماسك التليفون واول ما يرد عليك تقوله اخبارك ايه انا حبيت بس اطمن عليك طب مش عايز اى حاجه والنبى انت تؤمر بس وتقعد تطول فى المكالمة على قد ما تقدر علشان تفتكر كلمة من اللى كنت عمال تحفظ فيهم بقالك ساعتين علشان تقولها له كل الكلام ده يهرب منك
ياترى حصلت معاك قبل كدا ؟ وأمتا ؟ وإزاى وفين ؟
دى تحقيقات نيابة مش موضوع عادى يلرب يعجبكم ارجو ارد علي هذا الموضوع

والله جميل جدا يامي
ميرسي
فعلا حصلت معايا كمتيررررررررررررررر
وده الي حصل فعلااااااااا ههههههههه
بس في الاخر افتكرت ورستهم هههه