موضة الازياء للمحجبات 2009

ازيكم يا جماعة .. يارب تكونوا بخير باذن الله موضة الازياء للمحجبات 2009 Eh_s(17)

طبعاً زى ما انتوا عارفين ان مصممي الازياء حالياً بيطورا ديماً من تصميماتهم
وخصوصاً .. ازياء المحجبات
ودايماً بيحاولوا تقديم موديلات جديدة يكون فيها احتشام لتناسب الفتاة المحجبة ...
وقد قامت احد المواقع المتخصصة باخبار المجتمع والموضة والجمال
بحوار مع مصممة الازياء "ريهام فاروق"
اللى بتهتم جداً بشكل واستايل لبس المحجبات وبتقدم الموضة الغربي بشكل مناسب للذوق الشرقي .
وحبيت انقلكم الحوار ... وان شاء الله يعجبكم
وتعالوا مع بعض نشوف الحوار ...

في البداية عايزين نعرف إيه هي أكتر حاجة بتميز تصميماتك عن باقي مصممي الأزياء؟!

أنا كل شوية بأطلع على الموضة في "إيطاليا" و"فرنسا" تحديداً لأنهم أساس الموضة في العالم وأتعرف على الألوان والتصميمات ونوعية الأقمشة وباخذ الاتجاهات العامة وأوظفها علشان تناسب الذوق المصري والبنت المحجبة على وجه الخصوص، وده لأني بحب إن لبس المحجبات يكون استايل وموضة وفي نفس الوقت يكون فيه التزام بالزي الإسلامي المناسب للبنت المحجبة، وأكثر حاجة بتميز تصميماتي إنها استايل غربي بذوق شرقي.
موضة الازياء للمحجبات 2009 Kamar_02

كل شتاء له ألوان بتميزه إيه هي الألوان الموضة في شتاء 2009؟!

الألوان الموضة هي "الأسود" و"البني" و"الموف" و"النبيتي"و"الأخضر" و"الأصفر
موضة الازياء للمحجبات 2009 Kamar_01

إيه هي أحدث الخامات والأقمشة المستخدمة في تصميماتك؟!

أنا أفضل استخدام الخامات الرفيعة علشان الخامة الثقيلة زي التريكو الثقيل مابقيتش موضة وفي نفس الوقت بتخلي الـبـنت تبان وكأنها مليانة قوي علشان كده بفضل إني أستخدم التريكو الرفيع قوي والقطيفة الخفيفة والصوف مش كده وبس أنا بدخل على القماش بعض الشغل اليدوي لأنه له ذوق وسحر خاص.

وعلى فكرة كل الخامات القديمة زي "الليكرا" و"المرسيلزيه" رجعت موضة تاني بالإضافة إلى إن الرسومات القديمة زي الدوائر المنقوشة والرسومات العربية برضه بقت موضة دلوقت.

إيه هي الموديلات الجديدة اللي نزلت موضة السنة دي؟!

موضة الستينيات والسبعينيات الكم الواسع بأشكاله المختلفة رجعت تاني موضة كمان بنلاقي إن موضة السنة اللي فاتت اللي كانت عبارة عن خامة واحدة وعليها تطريز وشغل لسه مستمرة موضة برضه السنة دي... وعلى فكرة فيه موضة عالمية حالياً هتنتشر وهتغير شكل اللبس بالكامل هتكون معظم الموديلات مكونة من القمصان المنقوشة والبليسيه وهيكون القميص متفصل بداخل الدريل أو البونشو... يعني هيكون مثلاً قميص لينوه عادي بأسورة عريضة أو منفوش وعليه دريل أو فستان نصف كم أو تلتين متركب ومتفصل على القميص وممكن الشكل ده يكون على بلوزة أو بادي أو دريل طويل أو دريل قصير أو فستان طويل، بجانب الجيب المنقوش الملونة والقميص السادة وعليه (بلوفر صوف بكم أو نصف كم), بجانب البنطلون الجينز وعليه جاكت لحد الركبة مجسم أو نازل على أفزية وحزام من النصف بتوكة أو من القماش نفسه ويكون مصمم بجيوب من فوق وتحت أو تحت فقط.

موضة الازياء للمحجبات 2009 Kamar_04

هل البنطلون الطويل بداخل البوت موضة السنة دي؟!

أنا لا أفضل شكل البنطلون في البوت وخصوصاً للبنت المحجبة لأن ده غـير مناسب مــع الحجاب ولكن ممكن البنت غير المحجبة تلبس الشكل ده خاصة لما تكون رفيعة وطويلة وشكل البوت داخل البنطلون يتناسب مع الفستان القطعة الواحدة تحت الركبة والجواكيت الطويلة.
وعلى العموم لو كانت البنت محجبة وعايزة تدخل البوت داخل البنطلون فممكن تشتري بوت قصير مش طويل بحيث إنها لما تدخل البنطلون فيه مايكونش الشكل متناقض قوي مع لبس الحجاب.

موضة الازياء للمحجبات 2009 Kamar_05

التطريز على القماش لسه موضة؟!

مش أي تطريز يكون موضة وشكله حلو في نفس الوقت وأنا براعي في تصميماتي إن التطريز يكون على نهاية القماش سواء كان الكم أو نهاية الفستان أو الدريل وأحب جداً التطريز بالأحجار والفضة والنحاس وأبعد عن الخرز واللولي لأنه مش مناسب مع اللبس الكاجوال والعادي.
والتطريز الموضة السنة دي من العملات القديمة (القرش والمليم).

موضة الازياء للمحجبات 2009 Kamar_06

هل بتبيعي الإكسسوارات مع الموديلات بتاعتك؟!

أنا بأبيع جزء من الإكسسوارات مع الموديلات الخاصة بي لأني بكون حريصة في اختيار الإكسسوار المناسب وأحرص على شرائه من دول عربية وخاصة الإكسسوار الكلاسيك لأني لو تركت البنت تختار الإكسسوار مش هتعرف تختار الشكل والنوع المناسبين وهتقلل من شكل الموديل

موضة الازياء للمحجبات 2009 Kamar_07

فيه بنات كثير بتعجبها موديلات لكن لما بتلبسها بتلاقيها مش مناسبة معاها إيه السبب؟!

ده شيء طبيعي جداً لأن (المانيكان) بتكون لها مواصفات معينة في الطول والحجم وأي موديل بيكون مناسب لشكل (المانيكان) وطبعا البنات في مصر أطوالهم وأحجامهم مختلفة عن شكل المانيكان فده السبب في إن الموديل على المانيكان بيكون بشكل وعلى البنت بشكل تاني...وعلى العموم موجود دلوقت في أي محل ملابس ترزي بيظبط الطول والقصر وشكل الموديل على البنت اللي هتشتريه..

موضة الازياء للمحجبات 2009 Kamar_08

إيه هي القواعد العامة اللي البنت لازم تكون عارفاها وهي بتشتري ملابسها؟!

إنها لو قصيرة تلبس طويل وخطوط طولية وتبعد عن المشجر لأنه بيساعد على إن البنت تكون (مليانة) وتحاول ماتلبسش حاجات فيها خطوط بالعرض أو حزام عريض ولو فيه حاجة بالعرض تكون صغيرة جداً وتلبس الموديل الطويل والإكسسوار الطويل أيضاً...لكن البنات الطوال يلبسوا كل حاجة لكن يبعدوا عن الحاجات اللي فيها خطوط بالطول ويلبسوا ألوان فاتحة, والإكسسوار يكون قصير. وأي بنت مليانة تبعد عن الفواتح والمشجر وتعمل قصات طويلة, وتفتح الجاكت علشان تظهر البدي أو البلوزة مع البنطلون أو الجيبة لأن الجاكت المفتوح بيعمل نوع من الخداع البصري.

ياريت الموضوع يعجبكوا يابنات وتستفيدوا منه

بصي هو لبس حلووو وموضه حلوة اووووي وشكلو مريح كمااان بس لفة الترح صعبه اوووووووووووي ومعقده يعني انا اتكسف الف الحجاب كده وامشي بيه في الشارع يعني هاسحب كلام في رجلي بالهبل ههههههههههه على العموم مرسيه على الموضوع

» موضة الفساتين 2009
» موضة العبايات 2009
» موضة العبايات 2009 جديدا
» احدث خطوط الازياء الرجالي لشتاء 2009\2010
» حصرى احدث لفات الطرح للمحجبات